Қолдану жөніндегі нұсқаулық

Өсімдіктер тозаңынан алынған аллергендерді

 қолдану нұсқаулығы:

Сауда атауы

Өсімдіктер тозаңынан алынған аллерген: татар көкпегі, ащы жусан, қара жусан, шырылжын жусан, іле жусан, дәрілік бақбақ, біржылдық күнбағыс, жусанжапырақ ойраншөп, қарасора кенепшөп

Халықаралық патенттелмеген атауы

Шөптердің тозаңдық аллергендері  

Дәрілік түрі

Су-тұзды сығындысы 10 000 PNU/мл, 5 мл

Құрамы

Бір құтысының құрамы:

Белсенді зат – өсімдік тозаңы                                              

Қосымша заттар: натрий хлориді, калий дигидрофосфаты, натрий гидрофосфаты, 4% фенол ерітіндісі, су.

Сипаттамасы

Аллергендер – татар көкпегі, ащы жусан, қара жусан, шырылжын жусан, іле жусан, дәрілік бақбақ, біржылдық күнбағыс, жусанжапырақ ойраншөп, қарасора кенепшөп  тозаңынан бейтарап фосфатты буферлік ерітіндімен айырып алу жолымен  бөліп алынған ақуыз-полисахаридтік кешендердің су-тұзды сығындысы болып табылады. Аллергендер айрықша исі бар ашық-сары түстен қара-қоңыр түске дейінгі сұйықтық болып табылады.

Фармакотерапиялық тобы

Аллергендер сығындысы.

Коды АТС V01AA

Фармакологиялық қасиеттері

Тозаңдық аллергендердің негізгі әсер ететін көзі науқаста тері сынамаларын жасаған кезде татар көкпегіне, ащы жусанға, қара жусанға, шырылжын жусанға, іле жусанға, дәрілік бақбаққа, біржылдық күнбағысқа, жусанжапырақ ойраншөпке, қарасора кенепшөпке гиперсезімталдықты диагностикалауға мүмкіндік беретін ақуыз-полисахаридтік кешен болып табылады.

Қолдану көрсетілімдері

Татар көкпегінің, ащы жусанның, қара жусанның, шырылжын жусанның, іле жусанның, дәрілік бақбақтың, біржылдық күнбағыстың, жусанжапырақ ойраншөптің, қарасора кенепшөптің тозаңына гиперсезімталдықтан туындайтын поллиноздардың, атопикалық бронхиальды астманың спецификалық диагностикасы.

Диагностика үшін көрсетілімдер аурудың клиникалық көріністері және анамнез деректері  болып табылады.

Қолдану әдісі мен дозалары

Препарат скарификациялық тері сынамаларын жасау үшін қолданылады.

Тері сынамалары бір рет жасалады. Күмәнді нәтижелер болған кезде оларды алдыңғы сынамаларға жергілікті реакция бәсеңдегеннен кейін 2 тәуліктен соң қайталауға болады. Оң мәнді нәтижелер болған жағдайда, тозаң аллергендерімен тері сынамаларын айына бір реттен жиі емес қайталауға рұхсат етіледі.

Аллергендермен бір мезгілде тест-бақылау сұйықтығымен және 0,001% гистамин ерітіндісімен тері сынамаларын жасайды.

Тері сынамаларын білектің ішкі беткейінде немесе арқа терісінде жасайды. Атаулары әртүрлі тозаң аллергендерімен бір сәтте 15 сынамаға дейін жүргізуге рұхсат етіледі.

Құтының (аллергенмен немесе тест-бақылау сұйықтығымен) металл қалпақшасын  спиртпен сүртеді. Қалпақшаның орталық қақпағын стерильді пинцетпен алып тастайды, ал спиртпен алдын ала өңделген резеңке тығынды стерильді инемен теседі.

Білектің ішкі беткейінің терісін 70˚спиртпен сүртеді және кепкенше қалдырады. залалсыздандырылған теріге сыналатын аллергендердің тамшыларын, тест-бақылау сұйықтығының тамшысын және  0,001% гистамин ерітіндісінің тамшысын әрбір бөлек аллергенге арналған стерильді шприцтер  көмегімен бір-бірінен (30±10)мм арақашықтықта тамызады. Шприцке алынған аллергенді құтыға қайта құюға болмайды.

Препараттың тамшылары арқылы, әрбір аллерген үшін жеке және әрбір науқас үшін стерильді скарификациялық немесе инъекциялық инелермен әрқайсысының ұзындығы 5 мм екі параллель сызат салады (скарификация).

Скарификациялық аллергиялық сынамаларды есепке алу сызбасы

(скарификация, прик-тест) 

Реакцияны бағалау

Шартты белгілер

Реакция өлшемі және сипаты

Теріс мәнді

Оң мәнді

Оң мәнді

Оң мәнді

 

 

Оң мәнді

-

+

++

+++

 

 

++++

Күлбіреу және гиперемияның болмауы;

Күлбіреу 2-3 мм, гиперемия;

Күлбіреу 4-5 мм, гиперемия;

Күлбіреу 6-10 мм, гиперемия немесе күлбіреу 6-10 мм псевдоподиялармен, гиперемия;

Күлбіреу 10 мм аса, гиперемия немесе  күлбіреу 10 мм аса псевдоподиялармен, гиперемия.

Диагностикалық сынамалардың нәтижесін 15-20 минуттан кейін есепке алады (дереу типті реакция). Аллергенмен тері сынамаларының нәтижесін тек тест-бақылау сұйықтығы теріс мәнді реакция бергенде, ал 0,001% гистамин ерітіндісі оң мәнді реакция берген жағдайларда есепке алады.

Қарсы көрсетілімдер

- аллергиялық аурулардың өршуі;

- жедел инфекциялар;

- декомпенсация сатысындағы созылмалы аурулар;

- жүктілік;

- кез келген локализациядағы туберкулездің өршу кезеңі;

- психикалық аурулардың өршу кезеңі;

- дәнекер тінінің жүйелік аурулары;

- қатерлі аурулар;

- гормональды ем, антигистаминді препараттармен және бронхоспазмолитиктермен ем.

Дәрілік өзара әрекеттесу

Аллергендермен өзара сынамаларды төмендегі мерзімнен кейін жүргізу қажет:

- туберкулин сынамасынан кейін 1 аптадан соң;

- инактивтелген вакциналарды қолданғаннан кейін және антигистаминді препараттармен емнен кейін 2 аптадан соң;

- тірі вакциналарды қолданғаннан кейін 4 аптадан соң;

- БЦЖ вакцинасын қолданғаннан кейін 8-12 аптадан соң.

Ерекше нұсқаулар

Ерекше сезімтал науқастарда жүйелік аллергиялық реакция және анафилактикалық шок пайда болуы мүмкін. Осыған байланысты, спецификалық диагностика жүргізіліп жатқан бөлмеде фармакологиялық препараттар болуы тиіс.

Аллергенді диагностикалық мақсатпен енгізу кезінде науқаста жалпы әлсіздік немесе қозу, мазасыздық, бүкіл денесіндегі қызу сезімі, бетінің қызаруы, бөртпе, жөтел, іштің ауырсынуы пайда болған жағдайларда төмендегі шараларды жүргізу қажет:

Дәрігерге дейінгі алғашқы көмек. Аллергенді енгізуді дереу тоқтату керек; науқасты (басы аяқтарынан төмен) жатқызу керек, басты қапталға бұрып, төменгі жақты алға жылжытып, алынатын тіс протездерін алып тастау қажет.

  1. Егер аллерген қолға немесе аяққа енгізілсе, енгізілген жерден жоғарырақ 25 минутқа бұрау салу керек.
  2. Инъекция жасалған жерге 4,5  мл 0,9% натрий хлориді қосылған 0,3-0,5 мл 0,1% адреналин ерітіндісін егу қажет.
  3. Инъекция жасалған жерге мұзды немесе салқын су құйылған жылытқыны 10-15 минут бойы басу қажет.
  4. Бұраудан бос қолға немесе аяққа  тері астына немесе бұлшық ет ішіне 0,3-0,5 мл (балаларға 0,15-0,3 мл) адреналин ерітіндісін егу қажет.
  5. Дәрігерді шұғыл түрде шақыру керек.

Алғашқы дәрігерлік көмек. Егер1-5-тармақтар орындалған болса және нәтиже болмаса, төмендегілерді орындау қажет:

  1. Тері астына немесе бұлшық ет ішіне 0,3-0,5 мл (балаларға 0,15-0,3 мл) 0,1% адреналин ерітіндісін 5-10 минут аралықтармен егу керек. Егілетін адреналиннің рет саны мен дозасы реакция ауырлығына және артериялық қысым көрсеткіштеріне байланысты болады. Ауыр анафилактикалық шок кезінде адреналин ерітіндісін вена ішіне 20 мл 0,9% натрий хлориді ерітіндісін қосып егу қажет. Адреналиннің жалпы дозасы 2 мл (балаларға 1 мл) 0,1% ерітіндіден аспауы тиіс. Адреналиннің аз дозаларын қайталап егу үлкен дозаны бір рет егуден тиімдірек екенін есте сақтаған жөн.
  2. Егер артериялық қысым тұрақтанбаса, 0,2-2,0 мл норадреналинді (немесе мезатонды) 500,0 мл 0,9% натрий хлориді ерітіндісін қосып вена ішіне тамшылатып егуді шұғал түрде бастау қажет.  
  3. Бұлшық ет ішіне немесе вена ішіне глюкокортикостероидтық препараттарды ағын түрінде егу керек: преднизалон 60-120 мг (балаларға 40-100 мг), дексаметазон 8-16 мг (балаларға 4-8 мг) немесе гидрокортизон сукцинат немесе гемисукцинат 125-250 мг.
  4. Бұлшық ет ішіне 2,0 мл (балаларға 0,5-1,5 мл) 0,1% тавегил ерітіндісін немесе 2,5% супрастинді егу керек.
  5. Бронхоспазм кезінде 0,9% натрий хлориді ерітіндісін қосып 10,0 мл (балаларға 2-3 мл) 2,4% эуфиллин ерітіндісі вена ішіне егіледі.
  6. Жүрек гликозидтері, тыныс аналептиктері (строфантин, коргликон, кордиамин) көрсетілімдерге қарай егіледі.
  7. Қажет болған жағдайда, тыныс жолдарынан кілегейді, құсық массаларын сорып алып,  оксигенотерапия жүргізу қажет.

Анафилактикалық шокқа шалдыққан барлық науқастар ауруханаға жатқызылуы тиіс. Науқастарды тасымалдау реанимациялық топпен қауіпті жағдайдан шығарылғаннан кейін жасалады, себебі көшіру кезінде артериялық қысым қайталап түсуі мүмкін және коллапс дамуы мүмкін.

Егілетін препараттардың дозалары және дәрігердің тактикасы клиникалық көрінісімен анықталады, бірақ барлық жағдайларда, ең алдымен, адреналинді, глюкокортикоидтарды, антигистаминдік препараттарды егу қажет.

Фенотиазиндік қатардағы (пипольфен, дипразин және т.б.) антигистаминдік препараттарды және кальция препараттарын екпеген жөн.

Дәрілік зат көлік құралдарын жүргізу немесе әуелетті түрде қауіпті механизмдерді пайдалану қабілетіне әсерінің ерекшеліктері

Дәрілік зат әсерін ескере отырып, көлік құралдарын жүргізу немесе әуелетті түрде қауіпті механизмдерді пайдалану кезінде сақ болған жөн.

Шығарылу түрі және қаптамасы

Препараттың 5.0 мл резеңке тығындармен тығындалған және алюминий калпақшалармен бекітілген әйнек құтыға салады. Мемлекеттік және орыс тілдеріндегі қолдану нұсқаулығымен бірге 10 мл құты картоннан жасалған қорапқа салынады.

Сақтау жағдайлары

Құрғақ, жарықтан қорғалған жерде 4 ºС - 8 ºС температурада.

Сақтау мерзімі

2 жыл

Препаратты қаптамада көрсетілген жарамдылық мерзімі аяқталған соң қолданбаған жөн.

Дәріханалардан сату шарттары

Рецепт бойынша

Өндіруші

«Бүрлі» ЖШС, Қазақстан Республикасы, 050002, Алматы қ., Мақатаев көшесі, 34

Тел: 397-75-16, тел/факс 397-75-17

e-mail: burly@mail.ru

Тіркеу куәлігінің иесі                

«Бүрлі» ЖШС, Қазақстан Республикасы, 050002, Алматы қ., Мақатаев көшесі, 34

Тел: 397-75-16, тел/факс 397-75-17

e-mail: burly@mail.ru